យឿន ពិសី ថ្ងៃស្អែកនេះ ​ចូល​​រោងការហើយក្រោយស្វែងយល់ចិត្តគ្នាជាង១ឆ្នាំ ជាមួយគូស្នេហ៍

ប្រវត្តិស្នេហ៍ យឿន ពិសី និងកញ្ញា ហេង កក្កដា ហៅ អូនរ៉ា ធ្លាប់ត្រូវបានសាមីខ្លួន​បង្ហើបប្រាប់​ តារាញូស៍ ឲ្យដឹង​ពីអាយុកាល​ប្រមាណ​ជាង១ឆ្នាំមកហើយពោលគឺតាំងពីដើម​ឆ្នាំ២០២០មកម្ល៉េះ។ ម្ចាស់បទ «ទន្សាយ​កំព្រា» បានបញ្ជាក់ទាំងរីករាយស្វាគមន៍កាលណោះថា៖ «នារីដែលគេតែងបង្ហាញ​គឺ​ជា​ម្ចា​ស់​បេះដូង​យ៉ាង​ពិតប្រាកដ នាងឈ្មោះរ៉ា ជាអ្នករស់នៅភ្នំពេញមានមុខរបរជា​អ្នកផាត់មុខ ធ្វើសក់​ ឆ្នាំនេះនាងមានអាយុ​២៥ហើយ…បងគេបន្តិច​…គេ២១ហើយ»។

បន្ថែម​លើនេះ​អតីតម្ចាស់ពាន​ដែលមានដើមកំណើត​នៅទឹកដីខេត្តកំពង់ចាមរូបនេះ​ក៏បានប្រាប់​លម្អិត​ពី​ចំណ​ង​​ស្នេហ៍ឈាន​ដល់ការបង្ហាញជាផ្លូវការនេះឲ្យ តារាញូស៍ ដឹងទៀតថា៖ «ពួកយើងស្រលាញ់គ្នា​បាន​ជាង១ឆ្នាំ​​ហើយតែដូចនិស្ស័យ​ធ្វើឲ្យឆាប់យល់ចិត្តគ្នា និងច្បាស់លាស់​ថាយកគ្នាជាគូអនាគត​តែម្ដង»។

គួររំឭកថាមហាជន​មិនទាន់ភ្លេចនៅឡើយ​ឈ្មោះ យឿន ពិសី ដ្បិត​កាលពី៥ឆ្នាំមុន​រូបគេ​បានសាង​កេរ្តិ៍ល្បី​រន្ទឺ​ពេញផ្ទៃប្រទេស និងក្លាយជា​ម្ចាស់ពាន Cambodia’s Got Talent រដូវកាលទី១ របស់ទូរទស្សន៍ហង្សមាស ដោយជោគជ័យ​ក្រោម​ទឹកចិត្តអាណិតស្រលាញ់បោះឆ្នោតពីមហាជន​យ៉ាងភ្លូកទឹកភ្លូកដី។ងាកមកការងារសិល្បៈ​ យឿន ពិសី ប្រាប់ព័ត៌មានក្នុងស្រុកថា​ កំពុង​ថតបទជាហូរហែ​ដែរ ដើម្បីបង្ហោះរកចំណូល​តាមយូធូបដោយសហការជាមួយលោក បូទី។

ចំពោះបទចម្រៀង​ផ្លូវការ​ផ្ទាល់ខ្លួន​មាន២បទហើយ ដោយបទទី១ «ទន្សាយកំព្រា» លោក ដួង វីរសិទ្ធ និពន្ធឲ្យ ឯបទទី២ជាបទឆ្លងឆ្លើយ «ក្មេងសម័យ២០២០» លោក ផេន បូទី និពន្ធឲ្យ៕

Leave a Reply

Your email address will not be published. Required fields are marked *