សោកស្តាយណាស់!ប្តីយំបោកខ្លួន ខណៈទឹកជំនន់គួចយកប្រពន្ធ ពេលជិះទូក​​ទៅសម្រាលកូន (វីដេអូ)

វៀតណាម៖ ហេតុការណ៍​គួរ​ឲ្យ​រន្ធត់​ខាងលើ​កើតឡើង​នៅ​ព្រឹក​ថ្ងៃ​ទី ១២ ខែតុលា ឆ្នាំ​២០២០ Phong Dien នៃ​ខេត្ត Thua Thien Hue ប្រទេសវៀតណាម បាន​បញ្ជាក់​ថា ហេតុការណ៍​ក្រឡាប់​លិច​ទូក​មួយ​បាន​កើត​មាន​ឡើង បណ្ដាល​ឲ្យ​ស្ត្រី​រៀប​នឹង​ឆ្លង​ទន្លេ​ម្នាក់ ត្រូវ​បាន​ទឹក​ហូរ​យក​ទៅ ។

បើ​តាម​ការ​រាយការណ៍​ ​អ្នក​រស់​នៅ​ក្នុង​តំបន់​បាន​ឲ្យ​ដឹង​ថា នៅ​ម៉ោង​ប្រមាណ ៨ ព្រឹក​មិញ​នេះ ស្ត្រី​មាន​ផ្ទៃ​ពោះ​ម្នាក់ បាន​ធ្វើ​ដំណើរ​តាម​ទូក​ទៅ​កាន់​មន្ទីរពេទ្យ ដើម្បី​សម្រាល​កូន ។ ធ្វើ​ដំណើរ​ទើប​តែ​បាន​ប៉ុន្មាន​គីឡូម៉ែត្រ​ពី​ផ្ទះ​នាង បែរ​ជា​ជួប​អកុសល​ក្រឡាប់​ទូក បណ្ដាល​ឲ្យ​រូប​នាង​ត្រូវ​បាន​ទឹក​ហូរ​យក​ទៅ ។ ភ្លាមៗ មនុស្ស​ជាច្រើន​បាន​នាំ​គ្នា​ទៅ​ជួយ​សង្គ្រោះ ប៉ុន្តែ​ដោយ​សារ​តែ​ទឹក​ជំនន់​ហូរ​ខ្លាំង​ពេក ទើប​មិន​អាច​ជួយ​បាន​ឡើយ ។

អ្វី​ដែល​ធ្វើ​ឲ្យ​គ្រប់​គ្នា​រន្ធត់ និង​ទប់​ទឹកភ្នែក​មិន​បាន នៅ​ពេល​បុរស​ជា​ស្វាមី​ស្ត្រី​រងគ្រោះ បាន​ស្រែក​ទ្រហ៊ោ​យំ បោក​ខ្លួន ដោយ​មិន​នឹក​ស្មាន ត្រឹម​មួយ​ប៉ព្រិច​ភ្នែក ត្រូវ​បាត់បង់​ទាំង​ប្រពន្ធ និង​កូន​ដែល​មិន​ទាន់​បាន​ឃើញ​ពន្លឺ​ថ្ងៃ​របស់​ខ្លួន​សោះ ៕

Leave a Reply

Your email address will not be published. Required fields are marked *